Mediat greke kanë njoftuar se të dielën do të mbahet një Liturgji Hyjnore në Katedralen e Athinës për Kryepeshkopin Anastas.
Trupi i primatit të bekuar do të qëndrojnë në Katedralen e Athinës, ku do të vendoset për nderim publik deri në orët e mëngjesit të së hënës, 27 janar dhe më pas do të nisen për në Shqipëri.
Kryepeshkopi ishte shtruar në një spital në Athinë, për shkak të gjendjes së rënduar shëndetësore, por mëngjesin e të shtunës ndërroi jetë në moshën 95-vjeçare.
Trupi i Janullatosit do të prehet në vendin tonë, pasi ky ishte edhe amaneti i tij.
Prej vitit 1992 ai ka jetuar në Shqipëri, ku edhe ka drejtuar Kishën Ortodokse dhe gjithmonë e ka shprehur dëshirën që trupi i tij të prehet në vendin tonë.
Vendi se ku do të vendoset trupi i Kryepeshkopit Anastas nuk është përcaktuar ende, por një prej mundësive që po diskutohet është Manastiri i Shën Vlashit në Durrës.
