Ministria e Mbrojtjes e Izraelit lëshoi një deklaratë ditwn e sotme, në të cilën njoftoi vdekjen e tre anëtarëve të forcave të saj të armatosura, në luftën që po zhvillohet në Rripin e Gazës.
Mes tre viktimave është edhe kapiteni Shaoli Greenglick, i cili konkuroi rreth një muaj më parë në HaKokhav Haba, një konkurs talentesh përmes të cilit zgjidhet artisti që do të përfaqësojë Izraelin në Eurovision 2024.
Shaul Greenglick, 26 vjeç, performoi në “Israel’s Rising Star” më 3 dhjetor ndërsa ishte në pushim nga mobilizimi i tij në luftën kundër Hamasit. I veshur me uniformën e ushtrisë dhe vijat e togerit, ai këndoi një baladë popullore dhe u kualifikua për raundin tjetër në procesin e përzgjedhjes.
Një nga gjyqtarët, Keren Peles, i tha Greenglick-ut në skenë:
“Jam i lumtur që të shoh të veshur me uniformë. Do të isha i lumtur të të shihja që përfaqëson Izraelin në Eurovision.”
Pasi u publikua vdekja e Greenglick, Peles tha se ai ishte larguar nga shfaqja për shkak të detyrave të tij në rezervat e këmbësorisë.
“E imagjinova këtë vit ndryshe, si një vit aspiratash dhe të të jetuarit të ëndrrave të mia”, tha Greenglick në një postim të 14 dhjetorit në Facebook.
“Tani po jetoj një ëndërr të vjetër, të luftoj për vendin… Një ëndërr e re, ndryshe do të duhet të presë pak”, shtoi ai.
Kujtojmë se të paktën 166 ushtarë janë vrarë në ofensivën izraelite në Gaza, e nisur pasi persona të armatosur të Hamasit vranë më shumë se 1,200 njerëz dhe rrëmbyen rreth 240 në jug të saj më 7 tetor. Më shumë se 21,000 palestinezë janë vrarë në Gaza gjatë luftës./Opinion.al
