Pas një romance tetë mujore, këngëtarja Dua Lipa është ndarë nga partneri i saj Romain Gavras.
Lajmi është bërë publik nga mediat e huaja.
Dua u pa për herë të parë me regjisorin francez në mars, kur të dy u fotografuan duke ecur së bashku nga një shfaqje e javës së modës Saint Laurent në Paris. Megjithatë, ata bënë debutimin e tyre zyrtar në tapetin e kuq në Festivalin e Filmit në Kanë në maj.
Megjithatë, dyshja tani thuhet se janë ndarë sipas një raporti në revistën Sun. Në veçanti, këngëtarja ka vendosur që në momentin para publikimit të albumit të saj të tretë të fokusohet vetëm në muzikën e saj.
Pas publikimit të këngës së saj të fundit, “Houdini”, muajin e kaluar, ylli 28-vjeçar u nda nga francezi 42-vjeçar.
Dyshja u panë për herë të fundit duke shijuar një natë së bashku muajin e kaluar, ndërsa vëllai i këngëtares iu bashkua. Gjithashtu, të dy kishin pushuar në Greqi gjatë verës, duke udhëtuar ndër të tjera në Sifnos dhe Peloponez dhe kishin vizituar edhe vendlindjen e këngëtares, Kosovën./Opinion.al
