Gjendja e të moshuarës të infektuar nga koronavirusi në Durrës nuk paraqitet e mirë. Prej ditësh ajo ishte shtuar në infektivin e qytetit ku dyshohet se mund të ketë infektuar edhe persona të tjerë.
Por ditën e sotme gjendje e saj është rënduar për këtë arsye mjekët e shtruan në reanimacion.
Megjithatë është kërkuar transportimi i saj drejt infektivit në Tiranë ku mund ti jepet ndihmë më e specializuar.
Mësohet se 73-vjeçarja u transportua në automjetin e ambulancës për tu nisur drejt Tiranës por diçka e papritur ka ndodhur. Raportohet se në mënyrë krejt të papritur, pasi mjekët e izoluar me veshje mbrojtëse, e futën në autoambulancë për ta çuar në Tiranë 73-vjeçaren e prekur nga koronavirusi, e kanë nxjerrë menjëherë nga ambulanca dhe e kanë rikthyer sërish brenda ambienteve të spitalit të Durrësit.
Burime nga spitali bëjnë me dije se e moshuara nuk mund ta përballojë dot udhëtimin pasi shëndeti i saj është e rënduar. Sipas mjekëve ajo ka dhe sëmundje të tjera, siptomat e të cilave ia vështirësojnë gjendjen. /Opinion.al
