Yuri Kim, ish-ambasadorja e Shteteve të Bashkuara të Amerikës në Shqipëri, ka reaguar për ndarjen nga jeta të gjeniut të letrave shqipe këtë të hënë, Ismail Kadare.
Në rrjetet sociale, Kim ka postuar një foto me Kadarenë, ndërsa krahas saj vlerëson figurën e tij duke e cilësuat të pavdekshëm.
“Ismail Kadare e vendosi Shqipërinë në hartën letrare, por si të gjithë shkrimtarët e mëdhenj, ai kapërcen kohën dhe vendin. Është bukur të dish se shumë kohë pasi ai dhe ne të kemi ikur, dikush që nuk ka lindur ende do të marrë një nga librat e tij – a do të jetë ai “Prilli i thyer”? Ndoshta “Gjenerali i Ushtrisë së Vdekur”? – dhe jini të emocionuar dhe të provokuar, ashtu si të gjithë ne që patëm fatin të ndajmë kohën dhe vendin me Ismailin. Ai do të jetë i pavdekshëm”, shkruan Kim.
Kolosi i letrave shqipe, Ismail Kadare u nda nga jeta ditën e sotme në moshën 88-vjeçare.
