Të tjera detaje janë zbardhur lidhur me dëshminë e 19-vjeçares Hygerta Meta në polici. E reja ka thënë se me të atin kishte çdo ditë konflikte dhe përplasje, për shkak se babai donte ta fejonte pa dëshirë.
Ajo thotë se kishte dy rrugë të arrastiseshe nga shtëpia oste të vrite të atin.
“Babain e vrava se donte të më martonte me dikë që unë as nuk e doja. Kishim pothuajse përditë konflikte dhe përplasje. Më tha që kjo punë është vendosur, do fejohesh me atë që të them unë dhe pikë. Unë planifikova se si mund të shpëtoja nga kjo fejesë. E vetmja mënyrë ishte ose të arratisesha nga shtëpia ose të vrisja babain”, mësohet të ketë deklaruar ajo.
Së i përket ditës së krimit, 19-vjeçarja u tha hetuesve se babë e bijë ishin vetëm në shtëpi dhe mohoi ta ketë ndihmuar dikush tjetër.
“Një ditë nisëm të debatonim prap kur ishim në shtëpi. Nëna ishte në arë. Mora pistoletën dhe e qëllova. Më pas kisha frikë mos më fusnin në burg dhe mendova të fshihja trupin e babait. Pasi e varrosa në afërsi të banesës mendova se edhe policia e besoi se ai ishte zhdukur. Unë e kam kryer e vetme krimin, nuk më ka ndihmuar askush”.
Kujtojmë se hetuesit dyshojnë se Hygerta Meta mund të jetë ndihmuar nga familjarët e tjerë në krim, kjo për shkak të kronologjisë së ngjarjes dhe se 50-vjeçari ishte trup i madh. Trupi i Pëllumb Metës u zbulua mëngjesin e kësaj të premteje, 10 ditë pasi djali i madh i familjes e denoncoi atë të zhdukur.
