Në një dalje për mediat këtë të enjte, kreu i PD Lulzim Basha tha para gazetarëve se Partia Demokratike është në proces reflektimi pas humbjes në 6 Mars dhe se ai është i gatshëm që të bëjë çdo gjë në interesin më të mirë të partisë.
I pyetur nga gazetarët nëse mund të ketë zgjedhje në PD dhe garë për kryetar, Basha u përgjigj: Nëse unë paragjykoj se çfarë do ndodhë pa folur me bashkëpunëtorët, me njerëzit aktualisht që flasin… Kryetarët e degëve për shembull kanë kontakt me strukturat në bazë. Jemi në proces reflektimi dhe që të bëhet siç duhet, duhet të respektojmë ata njerëz që kanë mendimet e tyre, sjellin mendimet e të tjerëve. Prandaj jemi në një proces, një proces që nisi pas 6 Marsit, një proces që vazhdoi ditën tjetër dhe do të vazhdojë ditët e ardhshme. Pra është një proces i thellë reflektimi me një synim, interesin më të mirë të demokratëve. PA dallim sepse duket qartë që një nga arsyet kryesore është përçarja dhe konflikti mes nesh.
Gazetari- A jeni i gatshëm për t’u votëbesuar?
Lulzim Basha: Unë Jam gati të bëj çdo gjë në interesin më të mirë të PD.
Gazetari- Votëbesim? Do dorëhiqeni zoti Basha përfundimisht?
Lulzim Basha: Unë jam gati të bëj çdo gjë në interesin më të mirë të PD, por duhet të keni pak durim sepse t’i paragjykojmë apo paraprijmë ngjarjeve kur janë në proces reflektimi nuk është as e mençur…
