“Rusia është e hapur për një dialog me Shtetet e Bashkuara, por kërkon një diskutim gjithëpërfshirës të të gjitha çështjeve.”
Kështu u shpreh zëdhënësi presidencial, Dmitry Peskov, shkruan Tass.
Më herët, ambasadori rus në Uashington, Anatoly Antonov, deklaroi se ambasada ruse në Shtetet e Bashkuara kishte rënë dakord me zyrtarët e administratës amerikane për të diskutuar marrëdhëniet dypalëshe javën e ardhshme.
“Presidenti ynë ka thënë vazhdimisht se ne jemi të hapur për një dialog, se ne besojmë se është e nevojshme të diskutohen të gjitha çështjet në mënyrë gjithëpërfshirëse. Ju nuk mund t’i hiqni disa çështje nga konteksti i përgjithshëm që tani dominon marrëdhëniet tona dypalëshe. Ne jemi të hapur për një dialog dhe kemi vullnet politik, por ne jemi në favor të një diskutimi gjithëpërfshirës të të gjitha çështjeve”, tha Peskov.
