Shqipëria u mposht në ndeshjen e fundit të Grupit B nga Spanja.
Kuqezinjtë humbën me rezultatin 0-1 ndaj Spanjës, duke mbyllur kështu edhe rrugëtimin në Europian.
Taulant Seferi në një prononcim për mediat, u shpreh se me pak fat mund ta kishim fituar ndeshjen ndaj Spanjës.
Seferi i cili nuk u aktivizua në ndeshjen ndaj Spanjës tha se është krenar dhe me kokën lart ku theksoi se ndeshja me Italinë ishte më e dobëta.
”Siç e keni parë edhe vetë besoj ndeshja më e dobët e jona ka qenë me Italinë se këto dy ndeshje kemi bërë shumë mirë dhe jemi të lumtur.
Na duhet edhe pak fati sepse kishim shumë raste dhe besoj se me pak fat kishim mundur edhe ta fitonim Spanjën sepse ne kishim më shumë raste besoj. Prap e them që ne duhet të jemi krenar dhe me kokën lart se kemi ardhur në Europian dhe kemi bërë histori”, theksoi ai.
Ndërsa Bajrami deklaroi se Europiani, ishte një eksperiencë e madhe për të gjithë, ndërsa falënderoi të gjithë tifozët për mbështetjen.
“Për të gjithë ka qenë një eksperience e madhe. I falënderoj të gjithë tifozët për mbështetjen. Ky është Europiani. Ka qenë një eksperiencë shumë e bukur për të gjithë. Spanja është një skuadër e madhe. Ne provuam maksimumin. Nuk na eci shumë sot me golat. Në do të vazhdojmë të punojmë më shumë”, u shpreh Bajrami.
