Ajo ka qenë një ndihmës shitëse, që merrte 10 paundë, për çdo orë pune në dyqanin e “Adidas”, në qendrën stërvitore të Manchester City, ndërsa ai ishte mesfushor i Manchester United me 120 mijë paundë në javë rrogë, në momentin që çifti u takua.
Tani, Camille Sold po përgatit dasmën me mesfushorin Morgan Schneiderlin, pasi ky i fundit zgjodhi disa ditë pushim në Rivierën franceze për t’i kërkuar dorën.
Futbollisti dhe studentja ishshitëse kanë një vit që bashkëjetojnë.
Camille Sold, që është lidhur me futbollistin në vitin e kaluar, konfirmoi e lumtur lajmin në “Instagram”, të enjten në mëngjes, duke postuar një foto ku çifti tregonte se ishin fejuar dhe së shpejti do të martoheshin.
Ai shkroi: “Një mbrëmje e madhe në një vend të pabesueshëm.
Vetëm ne dhe zhurma e dallgëve, nuk mund ta shpjegoj ndjesinë… Jam pa fjalë, ishte e pabesueshme dhe ndihem femra më me fat.”
Mesfushori 26vjeçar u la jashtë kombëtares së Francës nga trajneri Didier Deschamps për dy miqësoret ndaj Holandës dhe Rusisë dhe nëse nuk shkëlqen me Manchester United në dy muajt e mbetur të sezonit, Schneiderlin rrezikon të mbetet jashtë Euro 2016.
Megjithatë, ishlojtari i Southampton mendoi t’i shfrytëzonte ditët e pushimit për të udhëtuar në Francë me të dashurën e tij, të cilës i propozoi projektin e një jete së bashku.
Partneret e lojtarëve të Manchester United, nga e majta në të djathtë: Evelina Kamph (e dashura e Juan Mata), Nicky Young (bashkëshortja e Ashley Young), Sam Cooke (e dashura e Chris Smalling), Emma Hyde (e dashura e Jesse Lingard), Camille Sold (e dashura e Schneiderlin), Samantha Martial (bashkëshortja e Anthony Martial), Lisa Carrick (bashkëshortja e Michael Carrick), Bryony Turner (e dashura e Sam Johnstone) dhe Kaya Hall (e dashura e Phil Jones)
