Djali vdes në moshën 21 vjeçare, nëna i dërgon sms… një ditë vjen një përgjigje

Të jetosh pas fëmijëve është frika më e madhe e çdo nëne, dhe jo në pak raste u duhet ta durojnë. Kështu i ka ndodhur Carole Adler, një nëne beqare amerikane, e cila u detyrua t’i thoshte lamtumirë djalit të saj Taylor Thyfault, i cili u nda nga jeta në moshën 21 vjeçare. I riu ishte kadet i policisë në shtetin e Colorado, SHBA, hyrja në ushtri ishte një nga ëndrrat më të mëdha të tij dhe nëna e tij ishte mikja më e ngushtë me të cilën shkëmbente vazhdimisht mesazhe. Megjithatë në 23 mars të vitit 2015, Taylor gjeti vdekjen gjatë kohës që ishte me shërbim në Colorado Higway 66, kur një makinë në arrati e përplasi për vdekje, gjatë kohës që ai po tentonte të vendoste barriera për ta ndaluar. Para se të vdiste, Taylor, arriti të lajmërojë drejtuesin e një kamioni që të spostonte mjetin, duke i shpëtuar kështu jetën. Një vdekje e konsideruar nga shumë njerëz heroike, përfshi edhe nënën e tij, e cila humbi djalin gjatë kohës që ai bënte pikërisht atë që dëshironte më shumë. Pas vdekjes së Taylor, Carole nisi të ndjente mungesën e shkëmbimeve të mesazheve të përditshme dhe kështu, nisi gjithsesi të dërgonte mesazhe në numrin e djalit. Natyrisht nuk priste përgjigje, por thjesht veprimi i të shkruarit e bënte që të ndihej më mirë. Ajo mbeti pa fjalë, kur mori një mesazh i cili ishte dërguar nga numri i djalit. Nuk ka asgjë paranormale në këtë histori, thjesht numri i telefonit të Taylor, ishte riaktivizuar sërish nga kompania. Por nuk ishte një person çfarëdo, por agjenti Kell Hulsey i Departamentit të Policisë së Greeley, thënë ndryshe një person i cili mishëronte çdo gjë që djali i saj donte të bëhej. Fillimisht polici shmangu përgjigjet ndaj mesazheve për të mos e lënduar gruan, por më pas mendoi se ishte korrekte ta lajmëronte se mesazhet e saj nuk po shkonin te personi i duhur. Agjenti u tregua i gatshëm të ndërronte numrin, por Carole nuk pranoi./Noa