Debati për kufijtë në Kosovë ka përfshirë edhe familjarët e politikanëve. Kështu, sot djali i Presidentit hashim Thaçi, Endriti i kundërpërgjigjet kreut të Vetëvendosjes Albin Kurti, i cili i refoltuar për kufijtë deklaroi se “Thaçit i ka mbetur vetëm edhe djalin ta martojë me vajzën e Vuçiçit”.
Endritit Thaci shkruan në Instagram: “Kam durim që ta pres çikën tënde të rritet dhe të flasim për fatin tonë”, duke e çuar debatin në fakt në një plan personal.
Lideri i Vetëvendosjes, Albin Kurti në tryezën për diskutimin mbi kufirin në mes të Kosovës dhe Serbisë, ka thënë se shkuarja e Thaçit në Bruksel është sulm mbi demokracinë e vendit.
“Presidenti ka gjashtë vjet duke dialoguar me Serbinë, mirëpo pa sukses. As nuk u shpërbënë strukturat e Serbisë, as nuk u kthyen të pagjeturit e as për dëme të luftës nuk është bërë asgjë. Pas negociatave të pasuksesshme, Presidenti po pretendon që ka shkop magjik dhe të zgjidh problemin.
Thaçi dhe Vuçiç po e trajtojnë shtetin e Kosovës po si shtetin e tyre,popullin si familje të tyre që shtypin dhe territorin si tokën private.
Dhe këta të dy autokratë, po merren vesh në mënyrë feudale na kanë kthyer në mesjetë. Veç ka mbetur që djali i Thaçit të martohet me vajzën e Vuçiqit dhe të kthemi si përpara, në mesjetë. Shkuarja e Thaçit pa mandat është sulm mbi demokracinë dhe Republikën tonë’, ka deklaruar sot Albin Kurti.
