Në fotot e para që Sara Hoxha na ka prezantuar me të birin, vështirë ta dallonim se kujt i ngjet më shumë Londoni i vogël. Kjo edhe për faktin se e ëma kujdesej shumë që të mos e zbulonte të gjithë misterin duke na lënë akoma ta imagjinonim se mes dy biondëve, do të kishte edhe tipare nga Sara. Por tani që Londoni është rritur, aty mund të shohim gjithçka nga i ati, një Ledion në miniaturë.
Aq më tepër në raste si ky i sotmi, kur babi Ledioni e ka veshur të birin si veten. Nuk është e para herë mes personazheve të njohur që atë e bir i shohim matchy matchy. Lorik Cana dhe Boikeni e bëjnë thuajse gjithmonë këtë, por në rast se Boikenit të vogël ende nuk ia kemi parë nga afër portretin, nuk mund të themi të njëjtën gjë për Londonin.
