Ditën e sotme ish-Presidenti i Kosovës, Hashim Thaçi ka ditëlindjen e tij të 55-të.
Gazetari dhe moderatori i emisionit “Opinion”, Blendi Fevziu ka uruar ish-presidentin e Kosovës nëpërmjet një postimi në rrjetet sociale.
Teksa ka publikuar një foto të bërë disa vite më parë me Thaçin, Fevziu shkruan krahas saj se është krenari për çdo gjë që ka bërë për Kosovën dhe Shqipërinë.
“Gëzuar ditëlindjen Hashim Thaçi. Krenari për çdo gjë që ke bërë për Kosovën dhe Shqipërinë”, shkruan Fevziu.
Thaçi ndodhet në Hagë në paraburgim pas akuzave nga Gjykata Speciale për krime lufte. Bashkë me të janë akuzuar edhe Kadri Veseli, Jakup Krasniqi dhe Rexhep Selimi.
