30 prilli konsiderohet si një ditë historike në Japoni, pasi Perandori Akihito abdikoi zyrtarisht nga froni, duke u bërë monarku i parë në më shumë se 200 vite që bën diçka të tillë.
Akihito e nisi ditën me një vizitë në memorialin “Kashikodokoro” për të raportuar veprimin e tij para perëndive. Ky ishte edhe hapi i parë i një dite ritualesh që do të kulmojnë në mesnatë, kur i biri princ i kurorës, Naruhito do të nisë mbretërimin si perandori i ri i Japonisë.
Akihito u bë perandor në vitin 1989. Një sondazh i kohëve të fundit tregoi se familja perandorake gëzon 80 për qind të mbështetjes publike, niveli më i lartë ky i mbështetjes i regjistruar ndonjëherë.
Akihito do të marrë titullin e perandorit “emeritus”, por nuk do të ketë detyra zyrtare. Vendin e tij do ta zërë i biri, Naruhito. Ai është 59 vjeç dhe do të jetë perandori i 126-të i monarkisë më të vjetër në botë./Opinion.al
