Aktorja turke, Ozge Ozpirinççi, e njohur për rolin e Shamikuqes në serialin turk me të njëjtin titull, ka kaluar ditë të dhimbshme. Erdogan Vursavaş, gjyshi i saj, pas një lufte të gjatë me një sëmundje të keqe, nuk ka mundur të mbijetojë. Vursavaş u nda nga jeta një ditë më parë dhe sot është përcjellë për në banesën e fundit.
Aktorja e re është fotografuar në ceremoninë mortore të mbajtur sot në xhaminë “Şakirin” në UskUdar: “Kishte probleme me shëndetin edhe për shkak të moshës. Jam vërtet shumë keq tani. Kërkoj mirëkuptimin tuaj, flasim më vonë”, – tha për mediat aktorja.
Erdoğan Vursavaş u shoqërua në ceremoninë mortore nga e gjithë familja e aktores dhe të afërm të tjerë.
