TIRANE- Nuk është hera e parë që prindërit humbasin fëmijët e tyre në aktivitete me shumë njerëz, siç ishte dita e sotme ku me qindra kishin dalë në Bulevard për të festuar Ditën e Verës.
Kjo foto është fiksuar nga gazetarja Alma Çuka e cila është bërë dëshmitare e një ngjarje të pakëndshme. Një fëmijë i mitur ka humbur mesditën e sotme në Tiranë. Ai është gjetur duke qarë nga një polic i bashkisë, i cili e ka mbajtur për disa minuta në krahë, ku edhe e ka zënë gjumi fëmijën e vogël. Mësohet se më pas përmes policisë fëmija është bashkuar me prindërit.
Kjo ngjarje vlen për t’ju kujtuar edhe njëherë prindërve, gjyshërve, kujdestarëve se sa e rëndësishme është për të mos lëshuar nga dora fëmijët nëpër festa masive.
