Në kuadër të festimeve për 112-vjetorin e shpalljes së Pavarësisë së Shqipërisë, në sheshin Skënderbej është zhvilluar ceremonia e ngritjes së flamurit.
Në ceremoninë e ngritjes së flamurit në Sheshin Skënderbej, ishte i pranishëm edhe kryebashkiaku Erion Veliaj, qindra qytetarë të ardhur nga e gjithë Shqipëria dhe jo vetëm.
Kujtojmë se që nga mëngjesi i ditës së sotme kanë nisur festimet për 28-29 Nëntorin.
Në bulevardin “Dëshmorët e Kombit”, u zhvillua “Parada e Shqiptarëve”, ku Tirana u vesh e gjitha kuq e zi.
Të pranishëm në paradë ishin mbi 350 grupe artistike nga anë e mbanë kudo ku flitet shqip.
Më herët flamuri u ngrit edhe në Vlorë, ku morën pjesë krerët më të lartë të shtetit, përfshi edhe kryeministrin e Kosovës, Albin Kurtin.
Po ashtu festimet janë shtrirë edhe në Kosovë e çdo vend të botës ku flitet shqip.
