Në qarkun e Elbasanit prej dy ditësh zona të tëra janë pa energji elektrike.
Drejtoria Rajonale e OSHE-së atje thotë se po punohet për riparimin e avarive, ndërsa pa energji janë:
Peqin, 4 kabina jashtë funksioni dhe për pasojë 550 abonentë janë pa energji elektrike.
Në zonën e Gramshit janë pa energji fshatrat: Tunje, Kushovë, Pishaj, Skanderbegas, Kodovjat si dhe Ujsjellesi Shemriz me rreth 1300 abonente pa energji.
Në Cërrik, në fshatin Shilbater është rrëzuar një shtyllë e tensionit të mesëm ku pa energji janë 800 banorë.
Në Librazhd, pa energji elektrike është fshati Gurpash me rreth 50 abonentë si pasojë e shembjes së kabinës.
