Presidenti Meta do të zbresë sot në Bulevardin Dëshmorët e Kombit ku do të mbajë manifestimin që ka paralajmëruar prej 2 javësh.
Ai ka zgjedhur 2 marsin për mbajtjen e këtij tubimi në përkujtim të Besëlidhjes së Lezhës.
“Sot në përkujtim të ngjarjes historike të Besëlidhjes së Lezhës, unifikimit kombëtar përballë rrezikut të asimilimit e shkombëtarizimit, mesazhi që na sjell nga historia, uroj të na ndihmojë ne të gjithëve për reflektuar, për t’u ngritur dhe bashkuar sa nuk është vonë”, shkruan ai sot në Facebook.
Ai shton se vendi rrezikohet nga pushtimi i një “sekti mafioz, pa fe, pa familje, pa atdhe, që ka marrë peng të ardhmen e çdo shqiptari!”.
Manifestimi i thirrur nga Meta pritet të nisë sot në orën 17:00 pranë Presidencës. Ai ka njoftuar se ai do të jetë paqësor dhe i ka ftuar njerëzit të kenë në dorë flamuj dhe mimoza. Meta pritet gjithashtu të nënshkruajë një dekret ditën e sotme. /Opinion.al
