Dikur shumë artist bashkuan forcat e tyre dhe formuan grupe të ndryshme muzikore. Pas formimit disa prej tyre i arritën synimet, e disa të tjerë mbase jo.
Ato që më parë kishin një karrierë të suksesshme sot nuk janë më aktiv, u shpërbën. Magazina.al ju sjellë disa prej grupeve, këngët e të cilëve vazhdojnë të dëgjohen akoma.
Ritmi Rrugës
Një prej rep-grupeve më të suksesshme në skenën tonë, ishte “Ritmi i Rrugës”. Kur përmendet ky grup, “Ushtari i rrugës” e “Përjetësisht” janë këngët që të bien menjëherë ndërmend. E këngët e këtilla ndoshta do të ishin edhe më të shumta, nëse grupi sot do të ishte aktiv.
Por, anëtarët e tij, Memli dhe Arbëri, zgjodhën rrugë të tjera në karrierën e tyre, duke bërë kështu që “Ritmi i Rrugës” sot të mos jetë fare aktiv.
Hija e Jetës
U themelua në fund të viteve 96’ta nga Fatmir Miftari “Don Pizhi” dhe nga Murat Abazi. Edhe ky grup me nuk është pjesë e skenës muzikore dhe krejt çka ka mbetur nga ta janë këngët “O sa lezet”, “Rreh shuplaka” e disa hite të tjetra.
Anëtari i këtij grupi Don Pizhi që nga viti 2007 ka vazhduar karrierën solo, ai ka realizuar disa bashkëpunime me këngëtar të estradës tonë.
Marigona
Fatkeqësisht edhe grupi “Marigona” është duke munguar në skenë. Këtë vit festuan 25 vjetorin e themelimit, ka kohe të gjatë që grupi me nuk është aktiv. Çka kujtojmë nga “Marigona” janë hitet të prodhuara ndër vite, si: “Sonte”, “Ani nasht ”, “Mitrovica”, “Më plase”, “Ajshe” etj.
Da- Ligs
Sa i përket grupit “Da-ligs”, disa herë është thënë nga anëtarët e grupit se kanë qenë arsyet personale që kanë quar deri te vendimi për ta ndërprerë karrierën muzikore. Da Ligs u bë i famshëm më këngët “Kasatofoni jem” dhe “Qoj nalt”.
TNT
Ndoshta nuk i keni harruar djelmoshat e këtij bendi muzikor. Ata arritën që për shumë vite të dhuronin këngë të suksesshme, si: “E mallkoj”, “Ata sy”, “Moj biondinë” e “Luje belin”.
Pas disa viteve, vokalisti Fikri Shala i “TNT”-së u largua, duke lenë muzikën për t’iu përkushtuar fesë. Me pas ai që e pamë në disa projekte të tjera në rolin e solistit ishte këngëtari Gentian Gojani. Por, ka kaluar kohë që nuk kemi parë ndonjë projekt të ri nga “TNT” me Gentianin.
NR
Një ndër grupet me të suksesshme të pasluftës. Skenës muzikore i dhuruan shumë hite si “Afrim Roboti” , “Axha Bastard”, “1001”. Ata tash e një kohe nuk janë aktiv në muzikë, shkruan Magazina.al
Hana Band
Ryva Kajtazi, Kaltrina Selimi ishin disa nga solistet që kaluan nëpër këtë grup. Hana Band krijoi hite si “Problem shumë serioz”, “Sytë e zi”, “Paradox” e “Në ty jam e dashuruar”, sigurisht që ende i keni në koke këto këngë.
Skillz
Grupi i formuar nga Ledri Vula dhe Visar Shala bëri bujë me këngët e tyre. Ndër hitet e tyre janë “Wu qa po shoh”, “Ah femrat”, “V.I.P”, “Krejti kom”. Por në vitin 2012 Ledri lë grupin dhe Skillz shpërbëhet, për të vazhduar kështu dy anëtaret karrierën solo.
TDS
Ka kohe që ky grup nuk na ka sjellë ndonjë këngë. Anëtaret e këtij grupi Kastrioti-Majku dhe Onati kanë vazhduar karrierat solo. Hitet që na i ka dhuruar “TDS” janë “Si manikene”, “Dea”, “Mejrem” ,”Hello”, shkruan Magazina.al
The Dreams
Kur kujtojmë grupe muzikore nga Shqipëria mendja menjëherë na shkon të “The Dreams” dhe hiti i tyre “Nuk dua t’ia di”. Anëtar i tij ishte edhe Ermal Mamaqi i cili vazhdon karrierën si solo këngëtar.
West Side Family
Këngët e grupit me të njohur në Shqipëri West Side Family pëlqehen dhe dëgjohen shumë edhe tash. Anëtaret Flori, Landi dhe Miri na dhuruan çdo herë emocione me këngët “Mesazhi”, “Tirona”, “Hou çike”, “Gjithë Bota jemi dy”.
Kujtojmë që grupi humbi anëtarin Dr.Flori në vitin 2014. Mbetet të shihet nëse dy anëtarët e tjerë do ta vazhdojnë aktivitetin muzikor.
Spirti voice –Zëri i Shpirti
Ato ishin vajzat e para qe dolën me klipin e tyre ne një fuoristrade, siç ishte edhe titulli i këngës, sillnin freskinë e rininë e moshës nëpërmjet stilit dhe trendit të fundviteve ’90.
Ndër katër anëtaret e këtij grupi ishte edhe Soni Malaj. Mirëpo vajzat e këtij grupi filluan të largohen një nga një për arsye të ndryshme, kështu që në vitin 2000 grupi u shpërbërë./Magazina.al/
