Një zjarr i madh shkrumboi pjesën më të madhe të xhamisë më të madhe dhe më të vjetër të periudhës osmane në Europë që ndodhet në Greqi.
Flakët përpinë në orët e para të së mërkurës, xhaminë e Sulltan Mehmet Çelebiut që daton nga shekulli XV.
Xhamia ndodhet në qytezën verilindore greke të Didimotekios.
Zjarri shkrumboi çatinë e restauruar vitet e fundit me fondet e Bashkimit Europian.
Për shuarjen e flakëve u angazhuan 54 trupa zjarrfikës me 23 automjete.
Policia po punon për të zbardhur shkaqet.
