Digjet shkolla në fshatin e izoluar nga bora

Ndërtesa e Shkollës 9-vjeçare në fshatin Arrëz të Kukësit është përfshirë nga flakët gjatë natës. Flakët janë favorizuar nga materialet e drurit në çatinë dhe dyshemenë e ndërtesës së shkollës. Kjo ka bërë që shkolla të shkrumbohet tërësisht, ndërsa policia ka nisur hetimin për rastin. Dyshohet se shkak për zjarrin mund të jetë bërë një shkëndijë nga oxhaku i njërës prej klasave. Banorët e fshatit u përpoqën të shuanin zjarrin me mjete rrethanore, por pa rezultat. Zjarrfikëset nuk mundën të mbërrinin në fshatin Arrëz, per shkak të distancës së largët dhe rrugës së bllokuar nga bora. Aktualisht Bashkia e Kukësit po kërkon një ambjent të ri për nxënësit e kësaj shkolle.