Për herë të dytë brenda pak kohësh, një lokal është djegur tek “Rana e Hedhun” në Shëngjin. Lokali që është shkrumbuar nga flakët është në pronësi të Pjetër Prelës.
55-vjeçari është personi i cili denoncoi skandalin me tokat tek “Rana e Hedhun”. Sipas pronarit autorët kanë lidhur rojën dhe më pas kanë tentuar t’i venë flakën të gjithë kompleksit që ai ka në pronësi por nuk ja kanë arritur. Nga flakët është djegur vetëm bari që është në plazh.
Kjo është hera e dytë që lokali në fjalë digjet nga flakët. Edhe herën e parë flaka në lokal ka rënë gjatë orëve të vona të natës. Për rastin e parë roja i lokalit deklaronte se zjarri ka qenë aksidental për shkak të një defekti në ekspres.
Njoftimi i policisë
Specialistët e Hetimit të Krimit në Komisariatin e Policisë Lezhë referuan materialet proceduriale në Prokurorinë e Rrethit Gjyqësor Lezhë për vepren penale “Shkatërrimi i pronës me zjarr” e kryer në bashkëpunim ,parashikuar nga neni 151 dhe 25 i Kodit Penal, pasi me datë 28.07.2018, në Shengjin, është djegur një lokal në pronësi të shtetasit P.P.,55 vjeç,banues në Lezhë,duke shkaktuar vetem dëme materiale. Policia e Lezhës nën drejtimin e Prokurorisë së Rrethit Gjyqësor Lezhë punon për zbardhjen e plotë të rrethanave të ngjarjes./ Opinion.al
