Një makinë e tipit “Hyundai” është përfshirë nga flakët mëngjesin e sotëm në lagjen nr.1 në Bilisht. Makina ka qenë e parkuar pranë banesës së personit me iniciale D.A.
Sipas policisë dyshohet se zjarri mund të jetë vënë në mënyrë të qëllimshme , por gjithashtu nuk përjashtohet pista që të jetë një ngjarje aksidentale pasi makina ka qenë me impiant gazi.
Informacion paraprak
Më datë 30.07.2019, rreth orës 02:20, në lagjen nr.1 në Bilisht, është djegur mjeti tip “Hyundai” në pronësi të shtetasit D.A, i parkuar para banesës së tij.
Grupi hetimor po punon për të sqaruar rrethanat e ngjarjes dhe përcaktuar shkaqet e rënies të zjarrit.
