Masivi pyjor me mështekna në Novosej të Kukësit është përfshirë nga zjarri. Zjarri i ndikuar nga thatësira dhe era në këtë zonë u përhap me shpejtësi duke përfshirë një sipërfaqe të konsiderueshme.
Në vendngjarje mbërritën menjëherë shërbimet zjarrfikëse të Bashkisë Kukës, punonjës të shërbimit pyjor, ato të administratës të zonave të mbrojtura dhe banorë të zonës.
Ndërhyrja në kohë për të mundur kufizimin e përhapjes dhe sipas informacioneve në terren vatra e zjarrit është izoluar dhe është bërë shuarja e plotë e saj.
Ky masiv pyjor është pjesë e parkut kombëtar Korab-Koretnik ndërsa mështekna është druri i rrallë dhe me vlera të veçanta qoftë dekorative por edhe kurative në përdorimet farmaceutike.
