Automjeti i një efektivi policie në Shkodër është përfshirë nga flakët. Policia bën me dije se ngjarja ka ndodhur në orët e para të mëngjesit të sotëm ndërsa automjeti ka qenë i parkuar pranë banesës së këtij shtetasi.
Menjëherë kanë mbërritur forcat zjarrfikëse, të cilët kanë bërë të mundur shuarjen e flakëve të zjarrit.
Sipas Klan news ngjarja mund të jetë e qëllimshme pasi është gjetur lëndë djegëse. Policia ka nisur hetimet për zbardhjen e plotë të rrethanave të kësaj ngjarje.
Njoftimi i Policisë:
Më datë 28.04.2022, gjatë orëve të para të mëngjesit, në lagjen “Daniel Matlija”, Shkodër, në Rrugën e Koplikëve, ka rënë zjarr në mjetin tip “Benz”, në pronësi të shtetasit D. T., 53 vjeç, banues në lagjen “Danjel Matlija”, Shkodër, me detyrë punonjës policie në DVP Shkodër. Mjeti ka qenë i parkuar pranë banesës së këtij shtetasi.
Vijojnë veprimet hetimore duke mbledhur çdo provë materiale dhe vlerësuar çdo informacion, si dhe duke bashkëpunuar ngushtë me ekspertët dhe Prokurorinë pranë Gjykatës së Rrethit Gjyqësor Shkodër, për përcaktimin e shkakut të djegies së mjetit dhe dokumentimin e plotë të ngjarjes.
