Digjet gjatë natës makina e djalit të biznesmenit të njohur në Durrës Vladimir Paço. Ngjarja ka ndodhur në lagjen numër 1 të qytetit, ndërsa automjeti tip “Benz S Class” ka qenë i parkuar pranë banesës. Siç njofton policia, automjeti ishte në pronësi të Spiro Paços, djali i biznesmenit Vladimir Paço.
Gjithashtu nëna e tij, Natasha Paço është drejtoreshe e Drejtorisë Rajonale të Sigurimit Shëndetësor të Durrësit.
Policia ka mbërritur në vendngjarje dhe po heton për përcaktimin e shkaqeve të djegies së mjetit.
Njoftimi i policisë
Më datë 18.04.2017, rreth orës 23:30, në Lagjen Nr.13, Plazh, Durrës është djegur pjesërisht automjeti tip Benz, (i parkuar) në pronësi të shtetasit Spiro Paco 26 vjeç, banues në Durrës.
Nga hetimet paraprake dyshohet se shkak ka qenë një shkëndijë elektrike në automjet. Materialet i kaluan Prokurorisë së Rrethit Gjyqësor Durrës për vlerësim. /Opinion.al
*Foto nga rrjetet sociale: Vladimir dhe Natasha Paço
