Një banesë është përfshirë nga zjarri gjatë orëve të natës në Golaj të Bashkisë Has.
Edhe pse zjarrfikësit u përpoqën që të vinin flakët nën kontroll, zjarri shkrumboi gjithçka brenda banesës. Nga flakët nuk ka pasur të lënduar, ndonëse në shtëpi ka pasur familjar në momentin e rënies së zjarrit.
Mendohet se shkaku i zjarrit të ketë qenë një shkëndijë elektrike. Sakaq, grupi i punës në komisariatin e Hasit në bashkëpunim me prokurorinë e Kukësit po bëjnë verifikimin e duhur për të përcaktuar shkakun e rënies së zjarrit në këtë banesë. Ndërkohë, familja e S. Meshit nga djegia e banesës ka ngelë në qiell të hapur.
