Dy automjete janë djegur gjatë natës në Shkodër.
Sipas uniformave blu mësohet se ngjarja ka ndodhur rreth orës 03:32, në lagjen “Kongresi i Përmetit”.
Policia njofton se kanë marrë flakë dhe janë djegur dy automjete tip “Benz” dhe “BMW”, në pronësi të shtetasit E.K.
“Rreth orës 03:32, në lagjen “Kongresi i Përmetit”, kanë marrë flakë dhe janë djegur dy automjete tip “Benz” dhe “BMW”, në pronësi të shtetasit E. K.”, njofton policia.
Grupi hetimor po punon për sqarimin e plotë të rrethanave dhe të shkakut të rënies së zjarrit./Opinion.al
