Policia e Dibrës ka arrestuar ditën e sotme një 30-vjeçar, të shpallur në kërkim.
Mësohet se shtetasi A.A (D) në qershor të vitit 2023 ka tentuar të vrasë me armë zjarri pistoletë shtetasin S.A., pas një konflikti për motive të dobëta.
Gjykata e Shkallës së Parë në Dibër i kishte caktuar masën e arrestit në burg për veprat penale ‘Vrasje me dashje’ mbetur në tentativë dhe ‘Armëmbajtje pa leje’.
”Specialistët për Hetimin e Krimeve të Rënda të DVP Dibër, bënë ekzekutimin e vendimit penal të Gjykatës së Shkallës së Parë Dibër, për ndalimin e shtetasit A.A (B), 30 vjeç, banues në Peshkopi, e cila kishte vendosur masën e sigurisë “Arrest me burg”, për kryerjen e veprave penale “Vrasja me dashje”, mbetur në tentativë dhe “Armbajtja pa leje”, thuhet në njoftimin e policisë./Opinion.al
