Policia ka sekuestruar një armë zjarri kallashnikov që e posedonte një 15-vjeçar në Dibër.
Në një njoftim për mediat, uniformat blu bëjnë me dije se si rezultat i informacioneve të siguruara nga inteligjenca informative, për një rast armëmbajtjeje pa leje, kanë ushtruar kontroll në banesën e 15-vjeçarit F. K., në Maqellarë.
Si rezultat i kontrollit në këtë banesë, shërbimet e Policisë gjetën një armë zjarri kallashnikov që posedohej pa leje nga adoleshenti.
Në vijim të veprimeve procedurale për këtë rast, u sekuestrua arma e zjarrit kallashnikov, si dhe u referuan materialet në Prokurori, ku nisi procedimi në gjendje të lirë për 15-vjeçarin.
Adoleshenti akuzohet për veprën penale “Mbajtja pa leje dhe prodhimi i armëve, armëve shpërthyese dhe i municionit”./Opinion.al
