Presidenti serb Aleksandër Vuçiç, është shprehur se presioni ndaj Serbisë do të rritet deri në njohjen e plotë të pavarësisë së Kosovës.
Në mbledhjen e partisë së tij, SNS, Vuçiç ka paralajmëruar se Serbinë e pret një periudhe e vështirë.
Vuçiç foli dhe për taksën 100% të vendosur nga Kosova, duke shtuar se sot askush nuk po ofron kompromis as nga faktorët ndërkombëtar.
Ashtu si kryeministri i Kosovës Ramush Haradinaj, edhe Vuçiç u shpreh se në takimin e Berlinit me kancelaren gjermane Angela Merkel dhe presidentin francez Emmanuel Macron nuk pret “asgjë të mirë”
“Presioni do të jetë çdo herë e më i madh, për njohje të plotë të pavarësisë pa ndarje dhe asgjë për Serbinë, dhe duhet të jemi të lumtur nëse nuk kërkohet formimi i ndonjë Tribunali për serbët.
Kur flisja se e kemi rastin për kompromis më shpallën tradhtar, e ndoshta ka qenë mundësia jonë e vetme që të bëjmë kompromis. Sot këtë kompromis nuk po na e ofron askush”, ka shtuar presidenti serb.
Kurrë më parë nuk ka qenë presioni kaq i madh, kanë kaluar gati gjashtë muaj që jemi duke pritur që bashkësia ndërkombëtare të reagon që të hiqet taksa, por një gjë e tillë nuk ka ndodhur.
E vetmja gjë që pres të kërkojnë nga ne është formati i ri i dialogut që për qëllim ka njohjen e pavarësisë së Kosovës, ku serbët nuk fitojnë asgjë. Do të kërkojnë nga ne të vazhdojmë bisedimet me shqiptarët e ata të mos e heqin taksën”, tha Vuçiç./ Opinion.al E.Xh.
