Ditën e sotme mbahet takimi i radhës i dialogut Kosovë-Serbi në Bruksel me ndërmjetësimin e Bashkimit Europian.
Takimi do të jetë në nivel kryenegociatorësh. Kosova do të përfaqësohet nga Besnik Bislimi, njëkohësisht edhe zv/Kryeministër.
Në këtë takim do të diskutohet për zbatimin e marrëveshjes bazime të 27 Shkurtit dhe planin e ri të 21 Tetorit.
Ky takim vjen pas atij të 26 Tetorit me liderët e Gjermanisë, Francës, Italisë dhe BE-së, ku Kosova theksoi qëndrimet e saj dhe gatishmërinë për nënshkrim dhe zbatim të plotë të marrëveshjeve.
