Mbi 23 mijë persona kanë humbur jetën deri më tani nga tërmeti që goditi të hënën Turqinë dhe Sirinë.
Forcat e kërkim shpëtimit vijojnë punën për nxjerrjen e qytetarëve nga rrënojat, ndërsa të mbijetuarit po përballen me temperaturat e ulëta.
Për t’u solidarizuar, kryetari i Bashkisë së Tiranës, Erion Veliaj u ka bërë thirrje qytetarëve të ndihmojnë popullin turk në këtë situatë të vështirë.
Në rrjetet sociale, Veliaj shkruan se të gjithë ata që duan të dhurojnë materialet e nevojshme për qytetarët në nevojë duhet të drejtohen te çadra e dhurimit e cila është vendosur pranë Bashkisë së Tiranës
“Mbështesim popullin turk në këto momente të vështira! Dhuro për popullin turk – Çadra e dhurimit ndodhet pranë Bashkisë së Tiranës”, shkruan Veliaj.
