Dy grabitës të disa banesave në Finiq të Sarandës, kanë tentuar të hyjnë brenda Kishës së Ksamilit për të vjedhur para dhe sende me vlerë.
Ermal Shkëmbi dhe Gentian Murati gjatë tentativës për të grabitur kishën pasditen e djeshme, kanë hasur rezistencë nga roja dhe kanë ushtruar dhunë ndaj tij.
Policia mbërriti në vendngjarje dhe dy grabitësit u kapën në flagrancë gjatë përpjekjes për t’u larguar.
Gjatë tentativës për vjedhje, ata kanë dëmtuar objekte brenda kishës.
Të dy ata janë arrestuar dhe nga hetimet ka rezultuar, në bashkëpunim me persona të tjerë, janë autorë edhe të vjedhjes së pesë banesave në fshatrat e Bashkisë Finiq, ku kanë vjedhur sende të ndryshme dhe vlera monetare.
