Policia ka arrestuar një 19-vjeçar në Dibër, pasi akuzohet për veprën penale “Goditje për shkak të detyrës”.
Uniformat blu njoftojnë se ai në vitin 2023, në bashkëpunim me disa shtetas të tjerë kanë goditur me grushta shtetasin E.L., i cili dyshohet se në 2023 mbante postin e shefit të Policisë Bashkiake të Bulqizës.
“Në vijim të megaoperacionit “Sundimi i ligjit”, për kapjen e shtetasve të shpallur në kërkim, bazuar dhe në informacionet e siguruara në rrugë operative për vendndodhjen e një shtetasi të shpallur në kërkim strukturat Drejtorisë Vendore të Policisë Dibër lokalizuan, kapën dhe arrestuan shtetasin D.T., 19 vjeç, banues në Bulqizë.
Gjykata e Shkallës së Parë Dibër, ka vendosur ndaj 19-vjeçarit masën e sigurisë “Arrest me burg”, për veprën penale “Goditja për shkak të detyrës”, pasi në vitin 2023, në bashkëpunim me disa shtetas të tjerë kanë goditur me grushta shtetasin E.L.”, njofton policia.
Materialet procedurale i kaluan Prokurorisë për veprime të mëtejshme.
