Një 26-vjeçar është arrestuar këtë të hënë në Fier pasi dyshohet se ka ushtruar dhunë fizike ndaj nënës së tij.
Referuar njoftimit zyrtar të policisë dyshohet se J.H., ka tentuar gjithashtu të përdhunojë motrën e tij të mitur 16-vjeçare.
“Specialistët e Sektorit për Hetimin e Krimeve të Komisariatit të Policisë Fier arrestuan në flagrancë shtetasin J. H., 26 vjeç, banues në Fier, pasi dyshohet se ka ushtruar dhunë ndaj nënës së tij dhe se ka tentuar të kryejë marrëdhenie seksuale, me dhunë, me motrën e tij 16 vjeçe”,-thuhet në njoftimin e policisë.
