Policia ka marrë në pyetje mbi një orë drejtorin e Teatrit Kombëtar Hervin Çuli, pas kallëzimit të gazetarin të Abc News Eni Shehu se ndaj tij është ushtruar dhunë fizike. Pasi refuzoi dy herë fletë-thirrjet e policisë, “drejtori gangster i Teatrit” u paraqit mesditën e së martës në komisariatin Nr 1 të kryeqytetit për të dhënë shpjegime në cilësinë e personit nën hetim. Në dalje të komisariatit “sherifi i teatrit” refuzoi të bëjë komente përvec kësaj batute.
Edhe Policia e Shtetit nuk dha detaje për deklaratën e drejtorit të teatrit, por mësohet se ai ka mohuar goditjen ndaj gazetarit. Por dhuna ndaj Shehut është pasqyruar në raportin e mjeksisë ligjore ku edhe janë bërë konstatimet në trupin e tij.
Edhe Prokuroria e Tiranës ka nisur hetimet duke urdhëruar policinë të bëjë kqyrjen e Teatrit Kombëtar për kamera të sigurisë dhe sekuestrimin e tyre në rast se ato ekzistojne. Do thirren të dëshmojnë personat që ishin prezent në momentin e incidentit.
Një ditë më parë përmes zëdhënëses së saj, Ministria e Kulturës u reshtua në mënyë skandaloze në krah të drejtorit të Teatrit Kombëtar. Kontraditore në ato që thotë, Ministria tha se dënon dhunën, por mbron variantin e drejtorit të Teatrit Kombetar.
Tv Klan
