Një 21-vjeçar shqiptar është arrestuar në tentativë për tu larguar dhe ka mohuar të ketë plagosur rëndë një burrë jashtë një klubi nate në Paceville në natën e Vitit të Ri.
I riu pretendon se ai ishte viktima pasi u godit me një shishe të thyer.
Mediat në Maltë shkruajnë se në pranga ka rënë shtetasi Riald Gragjevi, i cili u paraqit në gjykatë të enjten dhe u deklarua i pafajshëm për shkaktimin e lëndimeve të rënda kundër Idriss Ahmed Adem në një sulm që u kap në kamera.
Gragjevi, një shtetas shqiptar që jeton në Gjirin e Shën Palit, Maltë, u arrestua pasditen e së mërkurës teksa tentoi të hipte në një avion për të ikur jashtë vendit.
Zyrtarët e policisë në aeroport kuptuan se burri ishte i lidhur me rrahjen e Paceville dhe ai u arrestua nga oficerët e Njësisë së Ndërhyrjes së Shpejtë.
Gragjevi u arrestua kur policia u njoftua se ai po përpiqej të hipte në një avion nga Malta dhe të largohej nga vendi.
Inspektori i policisë tha se Ahmed Adem është gjithashtu i kërkuar nga policia dhe po hetohet në lidhje me lëndimet e rojës së sigurisë./Opinion.al
