Një oficer i krimit ekonomik në Korçë është dhunuar pasditen e sotme.
Policia bën të ditur se ngjarja ka ndodhur rreth orës 16:00 në një lokal, ku një i dehur e ka goditur oficerin me grusht në fytyrë.
Ndërkohë blutë e Korçës kanë arrestuar personin e dehur dhe do të kryejnë të gjitha veprimet procedurale.
Njoftimi i policisë:
Specialistët për Hetimin e Krimeve të Komisariatit të Policisë Korçë, arrestuan shtetasin M. M., 42 vjeç, banues në Korçë, pasi:
Në lagjen nr. 15, Korçë, në një lokal, 42-vjeçari dyshohet në gjendje të dehur, ka goditur me grushte shtetasin J. N., (oficer policie pranë Seksionit për Hetimin e Krimit Ekonomik-Financiar të DVP Korçë, i cili ndodhej jashtë detyrës) duke i shkaktuar dëmtime fizike.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
