Është zbardhur ngjarja e ndodhur ne Korçë, ku 81-vjeçari, Gaqo Tili u gjet i dhunuar mëngjesin e sotëm në banesën e tij në lagjen nr.15.
Mësohet se policia ka identifikuar autorin e ngjarjes dhe e ka arrestuar.
Sipas hetimeve ka rezultuar se në gjendje të dehur, dy të moshuar janë konfliktuar në banesë me njëri-tjetrin për motive të dobëta.
Edhe autori, Gëzim Agollari mësohet se është i lënduar, por paraqitet pa probleme për jetën. Mësohet se autori është shok me të moshuarin, me po të njëjtën moshë si i plagosuri.
Ai ka deklaruar se kanë pirë në banesën e 81-vjeçarit dhe më pas kanë nisur të konfliktohen pa patur ndonjë shkak konkret.
I plagosuri Gaqo Tili u gjet në banesën e tij, me dëmtime trupore dhe u transportua në spitalin rajonal Korçë, ku ndodhet nën kujdes mjekësor.
