Ndeshja mes Kamzës dhe Laçit është shoqëruar me incididente. Tifozët e Kamzës kanë hyrë në fushën e lojës dhe kanë goditur arbitrin Eldorian Hamiti.
Duket se ngjarja u shkaktua pasi arbitri akordoi një penallti në minutën e 95-të. Gjithashtu mësohet se ka pasur dhe presion nga tifozët edhe për të fikur kamerat.
Sfida e cila po luhet në Kamëz, është e vlefshme për javën e 24-t të Kategorisë Superiore. Kamzalinjtë janë të destinuar për fitore ndaj kurbinasve, pasi ndodhen në vendin e fundit dhe diferenca mes rivalëve është thelluar. Nga ana tjetër Laçi ka një shans të artë për t’iu afruar edhe më shumë vendit të tretë në renditjen e Kategorisë Superiore./E.M
