Pas rasteve të dhunës gjatë ndeshjeve të fundit, Policia e Fierit ka njoftuar marrjen e masave të rrepta për mbarëvajtjen e rendit gjatë ndeshjes së sotme BylysiFlamurtari që zhvillohet në orën 17:30, në stadiumin “Adush Muçaj”, Ballsh.
Sipas policisë, gjatë ndeshjes do të angazhohen 220 punonjës policie, nga të cilët 90 efektivë të FNSH dhe DELTA. Policia njofton se duke nisur që nga ora 12:00, nuk do të lejohet parkimi i makinave përreth dhe përballë stadiumit.
Në orën 12:00, nuk do të lejohet parkimi i automjeteve përreth dhe përballë stadiumit, deri në përfundim të ndeshjes. Hyrja e sportëdashësve do të fillojë në orën 16:00, me qëllim për të shmangur radhët e gjata në hyrje për në Stadium.
Lidhur me ndeshjen do të angazhohen 220 punonjës policie nga të cilët 90 janë të FNSH së dhe 20 nga DELTA. Nuk do të lejohet marrja e femijëve të mitur pa u pajisur me biletë . Të gjithë sportëdashesit që do të marrin pjesë në këtë aktivitet, të jenë të pajisur me biletë dhe me kartë identiteti dhe të mos kenë me vete:
1. a) sende të forta
2. b) shishe (të çfarëdolloji)
3. c) fishekzjarre
4. d) monedha apo metale (të çfarëdolloji)
5. e) çelësa të ndryshëm
Në të kundert nuk do të lejohen të futen në stadium. Në hyrje të stadiumit do të kontrollohen të gjithë sportëdashësit. Të gjitha lokalet që ndodhen, përreth Stadiumit, nga ora 12:00 dhe deri në përfundim të ndeshjes, të marrin masa të jenë të mbyllura. Drejtoria Vendore e Policisë Fier i kërkon qytetarëve që të minimizojnë më datën 14 Maj lëvizjen e tyre me automjet brenda qytetit të Ballshit, ç’ka do të sillte një ndihmesë të madhe në zhvillimin sa më normal të këtij aktiviteti. /panorama.al/
