Ngjarjet e dhunshme në ndeshjen Apolonia-Gramshi, të vlefshme për Kategorinë Superiore të femrave, u shoqërua me pezullimin 1-vjeçar të presidentit të klubit fierak, Koço Kokëdhima.
Pas hyrjes në fushë dhe sulmit fizik ndaj arbitrit të ndeshjes, atij do ti “ndalohet hyrja në dhomat e zhveshjes dhe ambientet e brendshme të stadiumit”.
Me një vit u pezullua edhe zyrtari i Apolonisë, Kiri Mundija, teksa zyrtari tjetër i ekipit, Maringlen Kule u pezullua për tetë ndeshje.
Për ngjarjet në Fier, klubi u dënua vetëm me gjobë 200 mijë lekë të reja, për mos marrjen e masave të nevojshme organizative, shifër nga e cila do të paguajë vetëm 5 për qind, e thënë ndryshe vetëm 10 mijë lekë të reja.
