Një burrë nga Lushnja u vu në pranga nga policia për dhunë në familje. Nëna dhe gruaja e kanë denoncuar pasi ai i kanosi me thikë se do ti vrasë. Sipas policisë të gjitha veprimet e dhunshme janë kryer të sytë e fëmijës së tij të mitur.
Personi i arrestuar është me iniciale B. Q. 38 vjeç, banues në Fiershegan të Lushnjes. “Arrestimi i këtij shtetasi u bë pasi në banesë, në prani të fëmijës së mitur ka kanosur me thikë nënën e tij, shtetasen S.Q, 59 vjeçe dhe bashkëshorten, shtetasen F.Q, 29 vjeçe” njofton policia.
Materialet i kaluan Prokurorisë pranë Gjykatës së Shkallës së Parë Lushnje për veprat penale “Dhunë në familje” dhe “Prodhimi, mbajtja, blerja apo shitja pa leje e armëve të ftohta” parashikuar nga Nenet 130/a/4 dhe 279 të Kodit Penal.
