Policia e Tiranës ka arrestuar 5 persona për dhunë në familje.
Sipas policisë mësohet se në pranga ka rënë një 48-vjeçar i dënuar me 6 muaj burg për dhunë në familje, një 30-vjeçar që ka ushtruar dhunë fizike ndaj vëllait të tij dhe dy të tjerë për dhunë ndaj bashkëshortes.
“Komisariati i Policisë Nr.3 në bashkëpunim me Komisariatin e Policisë Nr.4, bënë kapjen dhe ndalimin e shtetasit të shpallur në kërkim G.H, 48 vjeç, pasi Gjykata e Apelit Tiranë, e ka dënuar me 6 muaj burg, për veprën penale “Dhuna në familje”.
Komisariati i Policisë Nr.4 arrestoi në flagrancë shtetasit: E.S, 30 vjeç, pasi në banesë ka ushtruar dhunë fizike ndaj vëllait të tij; F.L, 54 vjeç, pasi ka ushtruar dhunë fizike dhe psikologjike ndaj bashkëshortes së tij.
Komisariati i Policisë Nr.5 arrestoi në flagrancë shtetasit: H.V, 40 vjeç, pasi ka ushtruar dhunë psikologjike ndaj bashkëshortes së tij, e pajisur me urdhër mbrojtje; E.B, 39 vjeç, pasi ka ushtruar dhunë fizike dhe psikologjike ndaj bashkëshortes së tij”, njofton Policia.
