Fenomeni i dhunës kundër bluzave të bardha mesa duket është ende i pranishëm në spitalet shqiptare me gjithë masat që ka marrë së fundi qeveria.
Domeniko Kumria, 28 vjeç, është arrestuar nga Policia e Elbasanit pasi është konfliktuar me stafin e urgjencës së spitalit. Sipas informacioneve personi kishte shkuar për të marrë ndihmë mjekësore dhe më pas është konfliktuar fizikisht me mjekët.
Pas raportimit të rastit, forcat e policisë mbërritën menjëherë në vendngjarje por edhe ato u hasën në kundërshtim me dhunë të 28 vjeçarit.
Kujtojmë se së fundmi qeveria ka kërkuar ndryshime në Kodin Penal për të ashpërsim të masave kur kemi të bëjmë me dhunë ndaj mjekëve. /Opinion.al
