Ministri i Drejtësisë, Ulsi Manja ka reaguar lidhur me dhunën e ushtuar ndaj avokatit të Sali Berishës, Sokol Mëngjesi.
Në një postim në rrjetet sociale, Manja shkruan se dënon çdo formë dhune.
Sipas tij, çdo formë dhunë ndaj avokatëve meriton ndëshkimin e drejtësisë.
“Çdo formë dhune mbi avokatët meriton ndëshkimin e drejtësisë! Mbështes fjalë për fjalë Dhomën Kombëtare të Avokatisë, për dhunën e ushtruar mbi avokatin dhe pedagogun, Sokol Mëngjesi!”, shkruan Manja.
Avokati Sokol Mëngjesi u sulmua dhunshëm nga 3 persona teksa po çonte fëmijën e tij në kopsht në zonën e ish-Bllokut. Ai mori goditje me sende të forta në kokë dhe ndodhet nën kujdesin e mjekëve.
Ndërsa ministri Balla tha se policia ka identifikuar një prej 3 autorëve të përfshirë në aktin e dhunës.
