Dhoma e deputetëve në Itali miratoi sot (24 janar) projektligjin për ratifikimin e marrëveshjes Itali-Shqipëri për emigrantët, “për forcimin e bashkëpunimit në çështjet e migracionit”.
Sipas mediave italiane ky projektligj parashikon hapjen e dy qendrave në territorin shqiptar, për të pritur 3000 emigrantë.
155 deputetë italianë votuan pro, 115 kundër, ndërsa dy abstenuan. Pas votimit, shumica duartrokiti.
Projektligji tani pritet të kalojë në Senat.
Kujtojmë që më 6 nëntor 2023 kryeministri Edi Rama dhe kryeministrja italiane Giorgia Meloni nënshkruan në Romë marrëveshjen për ndërtimin në Shqipëri të dy qendrave për strehimin e emigrantëve.
